STEPHANOPLOCOS

STEPHANOPLOCOS

apud Plin. inter Pausiae opera, memoratur l. 35. c. 11. Pausias Sicyonius primus in hoc genere (encausto pingendi) nobilis --- pinxit et ipse penicillo parietes Thespiis ----- Amavit in iuventa Glyceram municipem suam, inventricem coronarum, certandoque imitatione eius, ad numerosissimam florum varietatem perduxit artem illam. Postremo pinxit illam sedentem cum corona, quae e nobilissimis eius tabula appellata est Stephanoplocos, ab aliis Stephanopolis, quoniam Glycera venditando coronas sustentaverat paupertatem. Huius tabulae exemplar, quod apographon vocant, L. Lucullus duobus talentis emit a Dionysio Athenis Ex Graeco ςτεφανοπλόκος, quasi ἡ τοὺς ςτεφάνους πλέκουϚα, quae plectit coronas. Muliebre enim munus fuit coronas et serta plicare, cuius artificii gloria huic Glycerae debetur. Quae eaedem cum coronas venderent, ςτεφανοπώλιδες, quasi αἱ τοὺς ςτεφάνους πωλοῦσαι, appellatae sunt. Vide supra, ubi de artificio Nectendi Coronas, item ubi de Coronis.